तोंड धुणे, शौच विधी ,सकाळची पाण्यातील कामे यासाठी गरम पाणी वापरा
सकाळच्या वेळात पिण्यासाठी गरमच पाणी घ्या
डोकं, कान आणि कपाळ तसेच छाती यांची विशेष काळजी घ्या, गरम कपडे, स्कार्फ यांचा वापर करा
रोज आंघोळी पूर्वी अंगाला तिळाचे तेल कोमट करुन लावा तसेच आठवड्यातून किमान एक वेळा खोबरेल तेल कोमट करुन नाकात व कानात घाला
आहारात स्निग्ध पदार्थ वापरा, जसे की ती ,खोबरं, बदाम, खारीक ,तिळ इत्यादि. त्यासोबत गूळ, तूप यांचा वापर केल्याने थंडीत शरीरासाठी आवश्यक असणारी ऊर्जा मिळते.
थंडीच्या दिवसात सकाळी अग्नी चांगला प्रदीप्त होतो व त्यामुळे लवकर भूक लागते म्हणून या दिवसात धुंधुर मास पाळण्याची पद्धत आहे जी शास्त्रीय आहे
हा आहार हलका फुलका नसून पौष्टिक व स्निग्ध पदार्थ वापरुन बनवलेला हवा म्हणूनच थंडीत सुका मेवा, उडीदडाळ, गहू ,डिंक, मेथ्या वापरून वेगवेगळ्या प्रकारचे लाडू तयार केले जातात.
ही जास्त प्रमाणात मिळणारी ऊर्जा योग्य प्रकारे वापरली जावी व वजन वाढू नये म्हणून भरपूर व्यायाम देखील करायला हवा.
सकाळी जॉगिंग, सायकलिंग, योगासने, सूर्य नमस्कार, प्राणायाम यासारखे विविधांगी व्यायाम आपले वय, वजन व शरीराची गरज बघून करावेत.
सर्दी होणार नाही याची दक्षता घ्यावी, त्यासाठी आहारात आलं, लसूण, तुळस, गवती चहा, दालचिनी, मिरे या उष्ण पदार्थांचा गरजेनुसार वापर करावा
गरम पाण्यात निलगिरी तेलाचे थेंब टाकून वाफ घ्यावी
नाक चोंदल्या प्रमाणे वाटत असेल तर गॅसवर तवा गरम करून त्यावर ओवा, लसणाची साले, थोडं बाजरीचे पीठ घालून त्याची धुरी घ्यावी
